ភ្នំពេញ៖ អតីតតារាចម្រៀងលោក សែម សង្វាត បានទទួលមរណភាពហើយបន្ទាប់ពីតស៊ូនឹងជំងឺប្រចាំកាយជាច្រើនឆ្នាំ និងបានចូលពេទ្យសង្គ្រោះបន្ទាន់កាលពីម្សិលមិញ។

លោក អ៉ឹម ជីវ៉ា បានសរសរនៅលើហ្វេសបុករបស់លោកថា លោក សែម សង្វាត បានទទួលមរណភាពកាលពីវេលាម៉ោង ១២និង១០នាទីយប់ថ្ងៃទី៣០ ខែកញ្ញា ឈានចូលថ្ងៃទី០១ ខែតុលានេះ។

លោកសរសេរថា៖ « RIP តារាចម្រៀងលោក សែម សង្វាត បានទទួលមរណភាពហើយ! ដោយកូនប្រុសរបស់លោក បាននិយាយថាសូមជូនជាដំណឹងដល់ពុក ម៉ែ អ៊ុ ពូ មីង ទាំងអស់គ្នាឲ្យបានជ្រាបថានៅយប់ថ្ងៃទី ៣០ កញ្ញា រំលង អធ្រាត្រឈានចូលថ្ងៃទី ០១ តុលា ឆ្នាំ២០២១ លោកឪពុកខ្ញុំបាទឈ្មោះ សែម សង្វាត បានទទួលមរណភាពនៅវេលា ម៉ោង ១២និង១០នាទីដោយសារជំងឺប្រចាំកាយ » ។

កាលពីម្សិលមិញលោក សែម សង្វាត ស្ថិតក្នុងសភាពស្គមស្គាំងខ្លាំងត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យព្រះកុសុមៈបន្ទាប់ពីសភាពជំងឺបញ្ហាក្រពះ ពោះវៀនរបស់លោកកាន់តែធ្ងន់ធ្ងរ៕